Documents

In cheste sezion si cjatin contignûts organizâts in cuatri areis specifichis: Istituzions e Normative, Scuele furlane, Leterature furlane e Altris leturis.
Une selezion di materiâi e di informazions che a dan la pussibilitât di cognossi cualchidun dai cjamps li che la lenghe furlane e cjate aplicazion e e ven doprade par produsi risultâts che chi a vegnin metûts a disposizion pai adets ai lavôrs e no dome.
Sì che duncje, dopo di une presentazion sedi par chel che al inten lis leçs nazionâls in materie di lenghis minoritariis sedi di chês regjonâls che a marchin dute une schirie di azions pe promozion e valorizazion dal patrimoni linguistic e culturâl peât a la lenghe furlane, a vegnin presentâts i organisims che la Regjon e à metût in pîts tant che specifics par lavorâ su cheste cuestion.
E je presinte ancje une sezion li che si mostre cualchi esempli des aplicazions de lenghe stesse in materie di scuele e di leterature, cuntune sielte di progjets realizâts di bande di cualchi scuele e di tescj scrits di autôrs cetant impuartants e significatîfs pe storie leterarie furlane.