Legjislazion e programs

Si presentin chenti la legjislazion e i documents che a rivuardin l’insegnament de lenghe furlane e eventuâls notis di riflession o di coment sul argoment, aprovâts o ancje nome proponûts par chest intindiment.
Si cjatin ancje programs didatics fats bogns des istituzions competentis o ancje nome proponûts cun chest fin.
Dentri tes sotsezions a son informazions su Leçs aprovadis, Programs didatics e Propuestis di leç e di normative che a mostrin un panorame a nivel legjislatîf par cognossi ce che lis leçs a permetin di fâ tal cjamp dal insegnament; a nivel di programazion par lavorâ in maniere organiche e buine daûr de interpretazion des normis; a nivel propositîf par furnî elements valits par meti jù tescj di leçs o par inviâ metodologjiis operativis tun setôr fondamentâl e delicât tant che chel de scuele. Fondamentâl al risulte dâ des diretivis unichis in maniere che lis scuelis a vedin des indicazions uficiâls di bande dai orghins regjonâi specifics e cun chestis meti in pîts ativitâts che a vadin daûr di modalitâts ricognossudis, fissant obietîfs, nivei di aprendiment e sistemis di valutazion in maniere di permeti un insegnament eficaç de lenghe furlane e soredut in lenghe furlane.