OLF - ARLeF

Une daûr di chê altre si presentin lis dôs realtâts: chê dal Osservatori regjonâl de Lenghe e de culture Furlanis (OLF) inviât daûr dal articul 15 de Leç Regjonâl numar 15 dai 22 di Març dal 1996 (chest il test storic) che dopo cemût che si lei chi sot, al è stât sostituît de Agjenzie Regjonâl pe Lenghe Furlane (ARLeF). La Regjon Friûl Vignesie Julie e à duncje un orghin che al met jù di pueste lis azions, al propon progjets, e al met in vore iniziativis cul jutori di comissions fatis di esperts che a cjalin diviers setôrs: la planificazion linguistiche, la toponomastiche, la didatiche, la comunicazion.
A vegnin presentâts cui riferiments normatîfs che indi àn volude la nassite e a àn determinât funzions e obietîfs sedi lOLF che lARLeF.

Osservatori regjonâl de Lenghe e de culturis Furlanis OLF
Programazion dal OLF
La Leç Regjonâl numar 15 dai 22 di Març dal 1996 (chest il test storic) e previodeve che lOLF al ves di sei lorghin de programazion de politiche linguistiche. Lu specificavin une vore ben i articui 16, 17 e 18. LOLF al veve di meti jù un plan trienâl e inzornâlu ogni an par trê agns dulà che al veve di specificâ i obietîfs di intervent daûr di une analisi de situazion, e indicâ i metodis. Passâts trê agns, indi veve di meti jù un altri, e v.i.
Si ripuartin chenti i Plans trienâi che al preparà lOlf a tacâ dal 1997.

Prin Plan Trienâl 1997-1999 (version 1997)

Membris dal OLF 1996-2005
Tal an 1996 a forin nomenâts membris dal OLF
a) par cont de Regjon: Adrian Cescje e Donato Toful
b) par cont de Universitât di Udin: Zuan Frau, Raimont Strassolt
c) par cont de Universitât di Triest: Rienzo Pelegrin
d) par cont de Societât Filologjiche Furlane: Lucio Perès
d) par cont de Provincie di Udin: Silvana Fachin Schiavi
e) par cont de Provincie di Gurize: Carla Marcato
f) par cont de Provincie di Pordenon: Piera Rizzolatti

President e fo elete Silvana Fachin Schiavi.
Tal an 1998 al fo elet president Zuan Frau.

Agjenzie Regjonâl pe Lenghe Furlane ARLeF
Tal 2004 la Agjenzie Regjonâl pe Lenghe Furlane (ARLeF) e à cjapât il puest dal OLF daûr dal articul 4 de Leç Regjonâl numar 20, dai 21 di Lui dal 2004 (chest al à modificât larticul 6 comis 66 e 67 de Leç Regjonâl numar 4 dai 26 di Fevrâr dal 2001).
Par capî ce che al è chest organisim, su ce che al lavore, cualis che a son lis sôs competencis chi sot al è il link dret al sît internet de Agjenzie stesse e al so statût che a dan dutis lis informazions in mert.

Agjenzie Regjonâl pe lenghe Furlane (ARLeF)

Statût de ARLeF