Altris Dizionaris

In chescj agns il CFL2000 al à realizât par il Consorzi Universitari dal Friûl e il Comun di Sauris la version in rêt dal Zahrer Wörterbuch (il Dizionari Sauran) e al à colaborât cu l’ Istitût di lenghis romanzis de Universitât di Stocolme pe realizazion dal Dizionario Italiano-Svedese (Dizionari Talian-Svedês). Cheste ultime colaborazion e je nassude cuant che il CFL2000 al è stât clamât in Svezie par mostrâ il funzionament dal dizionari parcè che inte Universitât di Stocolme a jerin vignûts a savê de esistence dal Grant Dizionari Bilengâl Talian Furlan. Ancje i svedês a vevin chê di fâ un dizionari che al ves tant che fonde par partî il talian dal Grant Dizionari dell’Uso di Tullio De Mauro; sì che duncje il model dal GDBTF al è stât stimât just pal lôr câs. La colaborazion cul CFL2000 e je stade inviade cuant che di Stocolme a àn domandât ae Regjon Friûl-Vignesie Julie il permès par doprâ il GDBTF tant che program e base di dâts par meti dongje il lôr dizionari e la Regjon e à dade la concession par fâlu.