Cuadris flessionâi
In linguistiche la flession e indiche dutis lis manieris di variazion morfologjiche (cambis di sufìs, prefìs, desinencis e v.i.) che par vie di chestis la peraule e à funzions gramaticâls e sintatichis diviersis. Si fevele pai verps di coniugazion e di declinazion pai nons. Tal GDBTF i cuadris flessionâi a presentin lis peraulis di traduzion furlanis te lôr forme paradigmatiche, judant cussì cui che al dopre chest imprest linguistic a sielzi ben la peraule juste daûr des informazions gramaticâls e ortografichis. Il cuadri flessionâl al mostre la peraule furlane te forme singolâr se si trate di nons e adietîfs, singolâr e masculine se si à nons, adietîfs, pronons cun forme feminine e plurâl, infinitive pai verps. Tal stes cuadri il leme al è presentât in maniere schematiche, analizât daûr de silabazion e acent, trascrizion fonetiche, categorie gramaticâl. E je une cjarte di identitât dal leme che e permet di vê in struc dut ce che al covente di savê su lis carateristichis di chest. Il GDBTF no si ferme duncje a fâ dome une traduzion e une spiegazion de peraule daûr des sôs diviersis acezions, zontant la fraseologjie relative, ma al da ancje une schirie di informazions completis in plui par contribuî tun ûs cussient de lenghe.

Formari

"Cemût si scrivial ... ?"

  [â ê î ô û ]